சகலகலாவல்லிமாலை

கட்டளைக் கலித்துறை

வெண்டா மரைக்கன்றி நின்பதந் தாங்கவென் வெள்ளையுள்ளத்
தண்டா மரைக்குத் தகாதுகொ லோசக மேழுமளித்
துண்டா னுறங்க வொழித்தான்பித் தாகவுண் டாக்கும்வண்ணம்
கண்டான் சுவைகொள் கரும்பே சகல கலாவல்லியே. 1

நாடும் பொருட்சுவை சொற்சுவை தோய்தர நாற்கவியும்
பாடும் பணியிற் பணித்தருள் வாய்பங்க யாசனத்திற்
கூடும் பசும்பொற் கொடியே கனதனற் குன்றுமைம்பாற்
காடுஞ் சுமக்குங் கரும்பே சகல கலாவல்லியே. 2

அளிக்குஞ் செழுந்தமிழ்த் தெள்ளமு தார்ந்துன் னருட்கடலிற்
குளிக்கும் படிக்கென்று கூடுங்கொ லோவுளங் கொண்டுதெள்ளித்
தெளிக்கும் பனுவற் புலவோர் கவிமழை சிந்தக்கண்டு
களிக்குங் கலாப மயிலே சகல கலாவல்லியே. 3

தூக்கும் பனுவற் துறைதோய்ந்த கல்வியுஞ் சொற்சுவைதோய்
வாக்கும் பெருகப் பணித்தருள் வாய்வட நூற்கடலும்
தேக்குஞ் செழுந்தமிழ்ச் செல்வமுந் தொண்டர்செந் நாவினின்று
காக்குங் கருணைக் கடலே சகல கலாவல்லியே. 4

பஞ்சப் பிதந்தரு செய்யபொற் பாதபங் கேருகமென்
நெஞ்சத் தடத்தல ராததென் னேநெடுந் தாட்கமலத்
தஞ்சத் துவச முயர்த்தோன்செந் நாவு மகமும்வெள்ளைக்
கஞ்சத் தவிசொத் திருந்தாய் சகல கலாவல்லியே. 5

பண்ணும் பரதமுங் கல்வியுந் தீஞ்சொற் பனுவலும்யான்
எண்ணும் பொழுதெளி தெய்தநல் காயெழு தாமறையும்
விண்ணும் புவியும் புனலுங் கனலும்வெங் காலுமன்பர்
கண்ணுங் கருத்து நிறைந்தாய் சகல கலாவல்லியே. 6

பாட்டும் பொருளும் பொருளாற் பொருந்தும் பயனுமென்பாற்
கூட்டும் படிநின் கடைக்கணல் காயுளங் கொண்டுதொண்டர்
தீட்டுங் கலைத்தமிழ்த் தீம்பா லமுதந் தெளிக்கும்வண்ணம்
காட்டும்வெள் ளோதிமப் பேடே சகல கலாவல்லியே. 7

சொல்விற் பனமு மவதான முங்கவி சொல்லவல்ல
நல்வித்தை யுந்தந் தடிமைகொள் வாய்நளி னாசனஞ்சேர்
செல்விக் கரிதென் றொருகால முஞ்சிதை யாமைநல்கும்
கல்விப் பெருஞ்செல்வப் பேறே சகல கலாவல்லியே. 8

சொற்கும் பொருட்கு முயிராமெய்ஞ் ஞானத்தின் றோற்றமென்ன
நிற்கின்ற நின்னை நினைப்பவர் யார்நிலந் தோய்புழைக்கை
நற்குஞ் சரத்தின் பிடியோ டரசன்ன நாணநடை
கற்கும் பதாம்புயத் தாயே சகல கலாவல்லியே. 9

மண்கண்ட வெண்குடைக் கீழாக மேற்பட்ட மன்னருமென்
பண்கண் டளவிற் பணியச்செய் வாய்படைப் போன்முதலாம்
விண்கண்ட தெய்வம்பல் கோடியுண் டேனும் விளம்பிலுன்போற்
கண்கண்ட தெய்வ முளதோ சகல கலாவல்லியே. 10

ஸ்வாமியே சரணம்

அரிகர புத்திரனை ஆனந்த ரூபனை
இருமூர்த்தி மைந்தனை ஆறுமுகன் தம்பியை
சபரி கிரீசனை சாந்த சொரரூபனை
தினம் தினம் போற்றி பணிந்திடு வோமே

ஐயப்ப தேவன் கவசமிதனை
அனுதினம் சொல்ல அல்லகள் ஒழியும்
தினம் தினம் துதிக்கத் தீரும் வினையெல்லாம்
நாடிய பொருளும் நலமும் வருமே

மண்ணுலகெல்லாம் காத்தருள் செய்ய
மணிகண்ட தேவா வருக வருக
மாயோன் மைந்தா வருக வருக
ஐங்கரன் சோதரா ஐயப்பா வருக

புலிவாகனனே வருக வருக
புவியெல்லாம் காத்திடுட வருக வருக
பூரணை நாதனே வருக வருக
புண்ணிய மூர்த்தியே வருக வருக

பூத நாயகா வருக வருக
புஸ்களைபதியே வருக வருக
பொன்னம்பலத்துறை ஈசா வருக
அடியாரைக் காக்க அன்புடன் வருக

வருக வருக வாசவன் மைந்தா
வருக வருக வீரமணிகண்டா
வஞ்சனை நீக்கிட வருக வருக
வல்வினை போக்கிட வருக வருக

ஐயம் தவிர்த்திட ஐயப்பா வருக
அச்சம் அகற்றிட அன்பனே வருக
இருவினை களைந்தே எனையாட்கொள்ள
இருமூர்த்தி மைந்தா வருக வருக

பதினென்படியை மனதில் நினைக்க
பண்ணிய பாவம் பொடிப் பொடியாகும்
ஐயப்பா சரணம் என்றே கூறிட
ஐம்பூதங்களும் அடிபணிந்திடுமே

சபரிகிரீசனை நினைந்தே நீறிட
துன்பங்கள் எல்லாம் தூள் தூளாகும்
சரணம் சரணம் என்றே சொல்லிட
சித்திகள் யாவும் வந்தடைந்திடுமே

பம்பையின் பாலன் பெயர் சொல்லிடவும்
பகைவர் களெல்லாம் பணிந்தே வணங்குவார்
ஐயப்பன் பாதம் அனுதினம் நினைக்க
அவனியிலுள்ளோர் அடிபணிந்தேத்துவர்

சரணம் சரணம் ஐயப்பா சரணம்
சரணம் சரணம் சபரி கிரீசா
சரணம் சரணம் சத்குரு நாதா
சரணம் சரணம் ஸ்வாமியே சரணம்

வேண்டுதல்

சிவனார் மகன் என் சிரசினைக் காக்க
நெடுமால் மைந்தன் நெற்றியைக் காக்க
கஜமுகன் தம்பி கண்ணினைக் காக்க
நாரணன் பாலன்நாசியைக் காக்க

இருமூர்த்தி மைந்தன் இன் இருசெவி காக்க
வாபரின் தோழன் வாயினைக் காக்க
பம்பையின் பாலன் பற்களைக் காக்க
நான்முக பூஜ்யன் நாவினைக் காக்க

கலியு வரதன் என் கழுத்தினைக் காக்க
குமரன் தம்பி என் குரல்வளை காக்க
புஸ்கள நாதன் புஜங்களை காக்க
முக்கண்ணன் பாலன் முழங்கையைக் காக்க

வீரமணிகண்டன் விரல்களைக் காக்க
மணிகண்டன் தேவன் மார்பினைக் காக்க
கயிலை மைந்தன் கைகளை காக்க
வன்புலி வாகனன் வயிற்றினைக் காக்க

முழுமுதற் கடவுள் என் முதுகினை காக்க
கற்பூர ஜோதி என் கணைக்கால் காக்க
பந்தள் பாலன் பாதத்தினைக் காக்க
விஜய குமாரன் விரல்களைக் காக்க

அன்னதானப் பிரபு அங்கமெல்லாம் காக
ஆரியங்கா ஜோதி அன்புடன் காக்க
காட்டளரூபி காலையில் காக்க
நவக்ரநாதன் நடுப்பகல் காக்க

மாலின் மகனார் மாலையில் காக்க
அரிகர சுதனார் அந்தியில் காக்க
இன்மயஜோதி இரவினில் காக்க
எரிமேலி சாஸ்த என்றுமே காக்க

அரியின் மகனார் அனுதினம் காக்க
நடராஜன் பாலன் நாள்தோறும் காக்க
வாசவன் செல்வன் வலப்புறம் காக்க
இருமுடிஈசன் இடப்புறம் காக்க

காக்க காக்க கருணையால் காக்க
பார்க்க பார்க்க என் பாவம் பொடிபட
இம்மையிம் மறுமையும் இல்லாதொழிந்திட
ஈசன் மகன் எனை என்றுமே காக்க

கொடிய விலங்குகளும் கொள்ளை நோய்களும்
குருதியை குடிக்கும் துஸ்டப் பேய்களும்
காந்தமலை தனைக் கருத்தில் கொண்டிட
கலங்கி மறைந்திட கருனை புரிவாய்

பில்லி சூனியம் பலவித வஞ்சனை
பம்பையின் பாலன் பெயர் சொல்லிடவும்
பஞ்சாய் ப|றக்க வரமெனக் கருள்வாய்
பயங்களை போக்கி அபயம் அளிப்பாய்

வாதம் பித்தம் சிலேட்சுமத்துடனே
வாந்தியும் பேதியும் வலிப்பும் சுளுக்கும்
எவ்வித நோயும் எனையணுகாமல்
என்றுமே காப்பாய் எரிமேலி தேவா

கல்வியும் செல்வமும் கள்ளமில்லா மனமும்
நல்லோர் உறவும் நாளும் அருள்வாய்
நல்ல மனதுடனே உனை நான் துதிக்க
நித்தமும் அளுள்வாய் சபரிகிரீசா

காமம் குரோதம் லோபம் மோகம்
மதமச் சர்யமெனும் ஐம்பெரும் பேய்களும்
என்றுமே என்னை அணுகி விடாமல்
ஐயப்ப தேவா வரமெனுக் கருள்வாய்

மூப்பும் பிணியும் வ|றுமையும் பசியும்
வந்தெனை வாட்டி வதைசெயாமல்
உள்ளன் புடனே உந்திரு நாமம்
அனுதினம் சொல்ல அருள் தருவாயே

அரிகர புத்ரா அன்பா நமோ நம
சபரிகிரீசா சாஸ்தா நமோ நம
பதினென் படிவாழ் பரமா நமோ நம
ஐங்கரன் சோதரா ஐயப்பா நமோ நம

பொன்னம் பலத்துறை புண்யா நமோ நம
புலிப்பால் ஈந்த புண்யா நமோ நம
கரிகா யுதமுடைச் சுந்ரா நமோ நம
மகிஸி மர்த்தனா மணிகண்டா நமோ நம

சரணம் சரணம் சபரிகிரீசா
சரணம் சரணம் சத்ய ஸ்வரூபா
சரணம் சரணம் சர்வ தயாளா
சரணம் சரணம் ஸ்வாமியே சரணம்

==================================================================

ஓம்         கன்னிமூல கணபதி பகவானே       சரணம் ஐயப்பா
ஓம்         காந்தமலை ஜோதியே                 சரணம் ஐயப்பா
ஓம்         அரிகர சுதனே                          சரணம் ஐயப்பா
ஓம்         அன்னதான பிரபுவே                   சரணம் ஐயப்பா
ஓம்         ஆறுமுகன் சோதரனே                சரணம் ஐயப்பா
ஓம்         ஆபத்தில் காப்போனே                சரணம் ஐயப்பா
ஓம்         இன்தமிழ் சுவையே                    சரணம் ஐயப்பா
ஓம்         இச்சை தவிப்பவனே                  சரணம் ஐயப்பா
ஓம்         ஈசனின் திருமனே                     சரணம் ஐயப்பா
ஓம்         ஈடில்லாத் தெய்வமே                 சரணம் ஐயப்பா
ஓம்         உண்மைப் பரம் பொருளே            சரணம் ஐயப்பா

ஓம்         உலகாளும் காவலனே                சரணம் ஐயப்பா
ஓம்         ஊமைக்கருள் புரிந்தவனே           சரணம் ஐயப்பா
ஓம்         ஊழ்வினை அழிப்பவனே             சரணம் ஐயப்பா
ஓம்         எளியோர்க்கு அருள்பவனே          சரணம் ஐயப்பா
ஓம்         எங்கள் குலதெய்வமே                சரணம் ஐயப்பா
ஓம்         ஏழைப்பங்காளனே                    சரணம் ஐயப்பா
ஓம்         ஏகாந்த மூர்த்தியே                    சரணம் ஐயப்பா
ஓம்         ஐங்கரன் தம்பியே                     சரணம் ஐயப்பா
ஓம்         ஒப்பில்லாத் திருமேனியே            சரணம் ஐயப்பா
ஓம்         ஒளிரும் திருவிளக்கே                சரணம் ஐயப்பா
ஓம்         ஓங்காரப் பரம்பொருளே              சரணம் ஐயப்பா
ஓம்         ஓதும் மறைப்பொருளே               சரணம் ஐயப்பா

ஓம்         ஒளடதங்கள் அருள்பவனே           சரணம் ஐயப்பா
ஓம்         சௌபாக்கியம் அளிப்பவனே         சரணம் ஐயப்பா
ஓம்         கலியுக வரதனே                       சரணம் ஐயப்பா  
ஓம்         சபரிமலை சாஸ்தாவே                சரணம் ஐயப்பா
ஓம்         சிவன்மால் திருமகனே                சரணம் ஐயப்பா
ஓம்         சிவவைணவ ஐக்கியமே              சரணம் ஐயப்பா
ஓம்         அச்சங்கோவில் அரசே                சரணம் ஐயப்பா
ஓம்         ஆரியங்காவு ஐயாவே                 சரணம் ஐயப்பா
ஓம்         குளத்துப் புழைப் பாவலனே          சரணம் ஐயப்பா
ஓம்         பொன்னம்பல வாசனே                சரணம் ஐயப்பா
ஓம்         வில்லாளி வீரனே                  சரணம் ஐயப்பா
ஓம்         வீரமணி  கண்டனே                  சரணம் ஐயப்பா
ஓம்         உத்திரத்தில் உதித்தவனே            சரணம் ஐயப்பா

ஓம்         உத்தமனே சத்தியனே                  சரணம் ஐயப்பா
ஓம்         பம்பையிலே பிறந்தவனே             சரணம் ஐயப்பா
ஓம்         பந்தள மாமணியே                     சரணம் ஐயப்பா
ஓம்         சகலகலை வல்லோனே               சரணம் ஐயப்பா
ஓம்         சாந்தநிறை மெய்ப்பொருளே          சரணம் ஐயப்பா
ஓம்         குருமகனின் குறைதீர்த்தவனே       சரணம் ஐயப்பா
ஓம்         குருதட்சணை அளித்தவனே          சரணம் ஐயப்பா
ஓம்         புலிப்பாலைக் கொணர்ந்தவனே      சரணம் ஐயப்பா
ஓம்         வன்புலியின் வகனனே                சரணம் ஐயப்பா
ஓம்         தாயின் நோய் தீர்த்தவனே            சரணம் ஐயப்பா
ஓம்         குருவின் குருவே                      சரணம் ஐயப்பா
ஓம்         வாபரின் தோழனே                    சரணம் ஐயப்பா
ஓம்         துளசிமணி மார்பனே                  சரணம் ஐயப்பா
ஓம்         தூயவுள்ளம் அளிப்பவனே            சரணம் ஐயப்பா
ஓம்         இருமுடிப்பிரியனே                     சரணம் ஐயப்பா
ஓம்         எருமேலி சாஸ்தாவே                  சரணம் ஐயப்பா
ஓம்         நித்திய பிரம்மச் சாரியே               சரணம் ஐயப்பா
ஓம்         நீலவஸ்திர தாரியே                    சரணம் ஐயப்பா
ஓம்         பேட்டை துள்ளும் பேரருளே           சரணம் ஐயப்பா
ஓம்         பெரும் ஆணவத்தை அழிப்பவனே    சரணம் யஐப்பா
ஓம்         சாஸ்தாவின் நந்தவனமே              சரணம் ஐயப்பா
ஓம்         சந்திதரும் பேரழகே                    சரணம் ஐயப்பா
ஓம்         பேருத்தோடு தரிசனமே                சரணம் ஐயப்பா
ஓம்         பேதமையை ஒழிப்பவனே             சரணம் ஐயப்பா
ஓம்         காளைகட்டி நிலையமே                சரணம் ஐயப்பா
ஓம்         அதிர்வேட்டுப் பிரியனே                சரணம் ஐயப்பா
ஓம்         அழுதமலை ஏற்றமே                   சரணம் ஐயப்பா
ஓம்         ஆனந்தமிகு பஜனைப் பிரியனே       சரணம் ஐயப்பா
ஓம்         கல்லிடும் குன்றே                      சரணம் ஐயப்பா
ஓம்         உடும்ப்பாறைக் கோட்டையே          சரணம் ஐயப்பா
ஓம்         இஞ்சிப் பாறைக் கோட்டையே        சரணம் ஐப்பா
ஓம்         கரியிலந் தோடே                       சரணம் ஐயப்பா
ஓம்         கரிமலை ஏற்றமே                      சரணம் ஐயப்பா
ஓம்         கரிமலை இறக்கமே                    சரணம் ஐயப்பா
ஓம்         பெரியானை வட்டமே                   சரணம் ஐயப்பா
ஓம்         சிறியானை வட்டமே                    சரணம் ஐயப்பா
ஓம்         பம்பா நதி தீர்தமே                      சரணம் ஐயப்பா
ஓம்         பாவமெல்லாம் அழிப்பவனே          சரணம் ஐயப்பா
ஓம்         திருவேணிச் சங்கமமே                சரணம் ஐயப்பா
ஓம்         ஸ்ரி இராமர் பாதமே                   சரணம் ஐயப்பா
ஓம்         சக்தி பூஜைக் கொண்டவனே          சரணம் ஐயப்பா
ஓம்         சபரிக் கருள் செய்தவனே              சரணம் ஐயப்பா

ஓம்         தீப ஜோதித் திரு ஒளியே              சரணம் ஐயப்பா
ஓம்         தீராத நோய்  தீர்பவனே                சரணம் ஐயப்பா
ஓம்         பம்பா விளக்கே                         சரணம் ஐயப்பா
ஓம்         பழவினைகள் ஒழிப்பவனே            சரணம் ஐயப்பா
ஓம்         தென்புலத்தார் வழிபாடே              சரணம் ஐயப்பா
ஓம்         திருபம்பையின் புண்ணீயமே           சரணம் ஐயப்பா
ஓம்         நீலிமலை ஏற்றமே                     சரணம் ஐயப்பா
ஓம்         நிறைவுள்ளம் தருபவனே              சரணம் ஐயப்பா
ஓம்         அப்பாசி மேடே                          சரணம் ஐயப்பா
ஓம்         இப்பாசிக் குழியே                       சரணம் ஐயப்பா
ஓம்         சபரி பீடமே                              சரணம் ஐயப்பா
ஓம்         சரங்குத்தி ஆலே                        சரணம் ஐயப்பா
ஓம்         உரல்குழி தீர்த்தமே                     சரணம் ஐயப்பா
ஓம்         கருப்பண்ண சாமியே                   சரணம் ஐயப்பா
ஓம்         கடுத்த சாமியே                          சரணம் ஐயப்பா
ஓம்         பதின்னெட்டாம் படியே                 சரணம் ஐயப்பா
ஓம்         பகவானின் சன்னிதியே                 சரணம் ஐயப்பா
ஓம்         பரவசப் பேருணர்வே                    சரணம் ஐயப்பா
ஓம்         பசுவின் நெய் அபிஸேகமே             சரணம் ஐயப்பா
ஓம்         கற்பூரப் பிரியனே                        சரணம் ஐயப்பா
ஓம்         நாகராசப் பிரபுவே                       சரணம் ஐயப்பா
ஓம்         மாளிகைப் புறத்தம்மனே               சரணம் ஐயப்பா
ஓம்         மஞ்சமாதா திருவருளே                 சரணம் ஐயப்பா
ஓம்         அக்கினிக் குண்டமே                     சரணம் ஐயப்பா
ஓம்         அலங்காரப் பிரியனே                    சரணம் ஐயப்பா
ஓம்         பஸ்மக் குளமே                          சரணம் ஐயப்பா
ஓம்         சற்குரு நாதனே                          சரணம் ஐயப்பா
ஓம்         மகர ஜோதியே                           சரணம் ஐயப்பா
ஓம்         மங்கள மூர்த்தியே                       சரணம் ஐயப்பா

arihara puththiran

arihara

thiruvaasakam

நமச்சிவாய வாஅழ்க நாதன் தாள் வாழ்க
இமைப்பொழுதும் என் நெஞ்சில் நீங்காதான் தாள் வாழ்க
கோகழி ஆண்ட குருமணிதன் தாள் வாழ்க
ஆகமம் ஆகிநின்று அண்ணிப்பான் தாள் வாழ்க
ஏகன் அநேகன் இறைவன் அடிவாழ்க 5
வேகம் கெடுத்தாண்ட வேந்தன் அடிவெல்க
பிறப்பறுக்கும் பிஞ்ஞகன்தன் பெய்கழல்கள் வெல்க
புறந்தார்க்குச் சேயோன் தன் பூங்கழல்கள் வெல்க
கரங்குவிவார் உள்மகிழும் கோன்கழல்கள் வெல்க
சிரம்குவிவார் ஓங்குவிக்கும் சீரோன் கழல் வெல்க 10
ஈசன் அடிபோற்றி எந்தை அடிபோற்றி
தேசன் அடிபோற்றி சிவன் சேவடி போற்றி
நேயத்தே நின்ற நிமலன் அடி போற்றி
மாயப் பிறப்பு அறுக்கும் மன்னன் அடி போற்றி
சீரார் பெருந்துறை நம் தேவன் அடி போற்றி 15
ஆராத இன்பம் அருளும் மலை போற்றி
சிவன் அவன் என்சிந்தையுள் நின்ற அதனால்
அவன் அருளாலே அவன் தாள் வணங்கிச்
சிந்தை மகிழச் சிவ புராணம் தன்னை
முந்தை வினைமுழுதும் ஓய உரைப்பன் யான். 20
கண் நுதலான் தன்கருணைக் கண்காட்ட வந்து எய்தி
எண்ணுதற்கு எட்டா எழில் ஆர்கழல் இறைஞ்சி
விண் நிறைந்தும் மண் நிறைந்தும் மிக்காய், விளங்கு ஒளியாய்,
எண் இறந்த எல்லை இலாதானே நின் பெரும்சீர்
பொல்லா வினையேன் புகழுமாறு ஒன்று அறியேன் 25
புல்லாகிப் பூடாய்ப் புழுவாய் மரமாகிப்
பல் விருகமாகிப் பறவையாய்ப் பாம்பாகிக்
கல்லாய் மனிதராய்ப் பேயாய்க் கணங்களாய்
வல் அசுரர் ஆகி முனிவராய்த் தேவராய்ச்
செல்லாஅ நின்ற இத் தாவர சங்கமத்துள் 30
எல்லாப் பிறப்பும் பிறந்து இளைத்தேன், எம்பெருமான்
மெய்யே உன் பொன் அடிகள் கண்டு இன்று வீடு உற்றேன்
உய்ய என் உள்ளத்துள் ஓங்காரமாய் நின்ற
மெய்யா விமலா விடைப்பாகா வேதங்கள்
ஐயா எனவோங்கி ஆழ்ந்து அகன்ற நுண்ணியனே 35
5
வெய்யாய், தணியாய், இயமானனாம் விமலா
பொய் ஆயின எல்லாம் போய் அகல வந்தருளி
மெய் ஞானம் ஆகி மிளிர் கின்ற மெய்ச் சுடரே
எஞ்ஞானம் இல்லாதேன் இன்பப் பெருமானே
அஞ்ஞானம் தன்னை அகல்விக்கும் நல் அறிவே 40
ஆக்கம் அளவு இறுதி இல்லாய், அனைத்து உலகும்
ஆக்குவாய் காப்பாய் அழிப்பாய் அருள் தருவாய்
போக்குவாய் என்னைப் புகுவிப்பாய் நின் தொழும்பின்
நாற்றத்தின் நேரியாய், சேயாய், நணியானே
மாற்றம் மனம் கழிய நின்ற மறையோனே 45
கறந்த பால் கன்னலொடு நெய்கலந்தாற் போலச்
சிறந்தடியார் சிந்தனையுள் தேன்ஊறி நின்று
பிறந்த பிறப்பு அறுக்கும் எங்கள் பெருமான்
நிறங்கள் ஓர் ஐந்து உடையாய், விண்ணோர்கள் ஏத்த
மறைந்திருந்தாய், எம்பெருமான் வல்வினையேன் தன்னை 50
மறைந்திட மூடிய மாய இருளை
அறம்பாவம் என்னும் அரும் கயிற்றால் கட்டி
புறம்தோல் போர்த்து எங்கும் புழு அழுக்கு மூடி,
மலம் சோரும் ஒன்பது வாயில் குடிலை
மலங்கப் புலன் ஐந்தும் வஞ்சனையைச் செய்ய, 55
விலங்கு மனத்தால், விமலா உனக்கு
கலந்த அன்பாகிக் கசிந்து உள் உருகும்
நலம் தான் இலாத சிறியேற்கு நல்கி
நிலம் தன்மேல் வந்து அருளி நீள்கழல்கள் காட்டி,
நாயிற் கடையாய்க் கிடந்த அடியேற்குத் 60
தாயிற் சிறந்த தயா ஆன தத்துவனே
மாசற்ற சோதி மலர்ந்த மலர்ச்சுடரே
தேசனே தேன் ஆர்அமுதே சிவபுரானே
பாசமாம் பற்று அறுத்துப் பாரிக்கும் ஆரியனே
நேச அருள்புரிந்து நெஞ்சில் வஞ்சம் கெடப் 65
பேராது நின்ற பெருங்கருணைப் போராறே
ஆரா அமுதே அளவிலாப் பெம்மானே
ஓராதார் உள்ளத்து ஒளிக்கும் ஒளியானே
நீராய் உருக்கி என் ஆருயிராய் நின்றானே
இன்பமும் துன்பமும் இல்லானே உள்ளானே 70
அன்பருக்கு அன்பனே யாவையுமாய் இல்லையுமாய்
சோதியனே துன்னிருளே தோன்றாப் பெருமையனே
ஆதியனே அந்தம் நடுவாகி அல்லானே
ஈர்த்து என்னை ஆட்கொண்ட எந்தை பெருமானே
கூர்த்த மெய் ஞானத்தால் கொண்டு உணர்வார் தம்கருத்தில் 75
நோக்கரிய நோக்கே நுணுக்கரிய நுண் உணர்வே
6
போக்கும் வரவும் புணர்வும் இலாப் புண்ணியனே
காக்கும் என் காவலனே காண்பரிய பேர் ஒளியே
ஆற்றின்ப வெள்ளமே அத்தா மிக்காய் நின்ற
தோற்றச் சுடர் ஒளியாய்ச் சொல்லாத நுண் உணர்வாய் 80
மாற்றமாம் வையகத்தின் வெவ்வேறே வந்து அறிவாம்
தேற்றனே தேற்றத் தெளிவே என் சிந்தனை உள்
ஊற்றான உண்ணார் அமுதே உடையானே
வேற்று விகார விடக்கு உடம்பின் உள்கிடப்ப
ஆற்றேன் எம் ஐயா அரனே ஓ என்று என்று 85
போற்றிப் புகழ்ந்திருந்து பொய்கெட்டு மெய் ஆனார்
மீட்டு இங்கு வந்து வினைப்பிறவி சாராமே
கள்ளப் புலக்குரம்பைக் கட்டு அழிக்க வல்லானே
நள் இருளில் நட்டம் பயின்று ஆடும் நாதனே
தில்லை உள் கூத்தனே தென்பாண்டி நாட்டானே 90
அல்லல் பிறவி அறுப்பானே ஓ என்று
சொல்லற்கு அரியானைச் சொல்லித் திருவடிக்கீழ்
சொல்லிய பாட்டின் பொருள் உணர்ந்து சொல்லுவார்
செல்வர் சிவபுரத்தின் உள்ளார் சிவன் அடிக்கீழ்ப்
பல்லோரும் ஏத்தப் பணிந்து. 95
திருச்சிற்றம்பலம்

விநாயகர் கவசம் - kanapathi kavasam

விநாயகர் கவசம்

அழைத்தோர்க்கோர் இன்பமுண்டாம் ஆற்றலுண்டாம்
உள்ளில் இழைத்தார்கோ அன்புடனே இன்பம்
விழைந்தேறும் சித்தியும் சேர்ந்திடும்
ஸ்சிரி கணநாதனின் சக்தி கவசத்தினால்

சூழுமிடர்தீர சுளி போட்டு நெஞ்சே நீ
வேழுனடி நோக்கே விரை

கருணை பொங்கும் கற்பக நிதியே
காலம் எல்லாம் ஆளும் கதியே
உருவ விந்தையே உலகின் ஆதியே
ஒய்யார வடிவாய் அசையும் அழகே
ஓங்காரமாம் பிரணவ எழுத்தின்
உயரிய வடிவம் கொண்டு விளங்கும்
சிங்காரமே சிவனார் மகனே
சைவ அறத்தின் தெள்ளிய பொருளே
கணங்கள் சூழ்ந்திட அமர்ந்திடும் பதியே
கரிமாமுகனே ஸ்ரி கணநாதா
துணையாய் என்|றும் எம்மை எங்கும்
சூழ்ந்து காத்திடும் தும்பிக்கையானே
பார்வதி தேவியின் செல்லப் பிள்ளையே
பாரினைக் காக்கும் பரிவுப் பிள்ளையே
தீர்வுகளாய் பல புதிர்களின் விடையை
தெளிவாய் அருளும் ஞானச் செ|றிவே

தத்துவ வடிவம் மொத்தமும் காட்டும்
தன்னிகர் இல்லாத் தனிப் பெரும் இறையே
சித்துகளாய் பல லீலைகள் செய்யும்
தீரா வினைகள் தீர்க்கும் மறையே
ஆனை முகத்துப் பிள்ளாய் வருக
ஆடி ஆடி அசைந்தே வருக
தேனை வைத்தோம் முன்னே வருக
தெய்வக் களிறே இங்கே வருக
காக்கை வடிவாய் யாக்கை கொண்டு
காவிரி கவிழ்த்த கடலே வருக
தூக்கும் துதிக்கை தூக்கி அணைக்கும்
தோகை மயிலோன் முன்னோன் வருக
விகட ரூபனே வருக வருக
விஸ்வ ரூபனே வருக வருக
சகடமாக முகாலமும் உருட்டும்
சக்தி நாதனே வருக வருக

சித்தியின் புத்தியுன் சிந்தை நிறைந்து
செவ்விய கோலம் தந்திடும் நாதா
புத்தியில் சித்தியை தந்திடும் பரமே
பூரணம் ஆகிய புனிதா வருக
கார் நிறத் தேகக் கரிமா முகனே
கனிவுடன் வருக கனிவுடன் வருக
வேல் வீரம் ஏறிய ஸ்வேத நாயகா
வெள்ளெருக்கோனே வருக வருக
வருக வருக கணநாதா வருக
வருக வருக கணங்கள் சுழ்ந்தே
வருக வருக மூஸிக வாகன
வருக வருக மோதகப் பிரியனே
எட்டுத் திசைகளும் சுற்றிப் பணிந்திட
ஏக தந்தனே இங்கே வருக
விட்டு விடாமல் கை கொடுத்திடவே
விக்ன விநாயக விரைவாய் வருக
தகுதகு திந்திமி தத்தாளங்கு திமி
ஜதிகள் போட்டு சடுதியில் வருக
அகமும் புறமும் குளிரும் வண்ணம்
ஆடிய பாதனே அசைந்து வருக
கங்கம் என்னும் மந்திர பீஜம்
காற்றில் ஒலிக்க வருக வருக
கிலீம் க்லௌம் என்னும் அட்சரம் ஒலிக்க
கிரீட கணாதிப வருக வருக

சிவகைலாய செல்வா நீயும்
சீக்கிரமாக வருக வருக
கவலை யாவும் போக்கிட ஜயா
கடுகியே வருக கடுகியே வருக
அழகிய வடிவாய் அமரும் அழகும்
அன்பு நிரம்பிய பார்வை அழகும்
பழகிய முகத்தில் பரவிய அழகும்
பார்க்க பார்க்க தூண்டும் அழகும்
கடினம் கொண்டு கவினுடன் விளங்கும்
கரிய நிறத்து மத்தக அழகும்
முடியும் மணிமுடி முத்தும் பொன்னும்
மொத்தம் இழைந்திட ஒளிரும் அழகும்
பாலச் சந்திரனை பாதி எடுத்து
பக்குவமாக தரித்த அழகும்
மேலும் கீழும் சொல்வதைக் கேட்டு
விரைவாய் ஆட்டும் தலையின் அழகும்

யானைத் தலையை ஏந்திக் கொண்டு
எழிலாய்க் கோலம் கொள்ளும் அழகும்
ஞானம் அளிக்கும் நெற்றியின் அழகும்
நெற்றிப் பரப்பில் நீற்றின் அழகும்
வெண்மதி சூரியன் தீயென மூன்றே
இழையின் வடிவில் காட்டும் அழகும்
தன்னடியாரவர் வேண்டுதல் கேட்டு
சாமரமாகிடும் செவியின் அழகும்
சிறுவிழியாலே சிரித்திடும் அழகும்
செவிகளின் மணியை அசைத்திடும் அழகும்
அருகினில் வாவென அழைத்திடும் வண்ணம்
அழகுத் துதிக்கையை ஆட்டிடும் அழகும்
வலம்புரி இடம்புரி என்னும் வகைபடி
வளைவுகள் கொண்ட துதிக்கை அழகும்
நலம் பல தந்திட நயம் பல தந்திட
நான்காய் அமைந்த திருக்கை அழகும்

மகாபாரதம் எழுதிட வேண்டி
வண்ணத் தந்தம் ஒன்றை உடைத்து
மகா காவியம் எழுதியதாலே
ஒற்றைத் தந்தமுடன் விளங்கும் அழகும்
இணையாய் தோள்கள் இரண்டின் அழகும்
இணையில்லாத் தோள் வளையின் அழகும்
கணங்கள் தோறும் வரங்கள் தந்து
கமலம் போலச் சிவந்த கரங்களும்
பாசம் அங்குசம் தாங்கிய கரத்துடன்
பாசம் காட்டிடத் துடிக்கும் அழகும்
பூசிய சந்தணம் மணந்திடச் சுடரும்
பொலிவுடன் தோன்|றும் மணியணி மார்பும்

அண்டம் அனைத்தும் உண்டு வளர்த்து
அழகாய்ச் சரிந்த தொந்தியின் அழகும்
வண்ண இடையினில் அரவம் தன்னை
வகையாச் சூடிய கச்சையின் அழகும்
இருதிரு வடியும் இணைமுழந் தாளும்
இசையத் தோன்றி விளங்கும் அழகும்
திருவருள் ஏந்தி தாமரை போல
திகழ்திடும் பாதம் இரண்டின் அழகும்
விலங்கின் தோ|ற்றம் கொண்டு விளங்கும்
வேழனின் யானைத் தலையின் அழகும்
குலவும் முகமும் விழியும் கொண்டு
குலவும் மானிட உருவின் அழகும்
குட்டைக் காலும் பானை வயிறும்
கொண்டு விளங்கும் பூத அழகும்
நான்கு கரத்து தேவரின் அழகும்

நர்த்தனம் ஆடிடும் போது ஒலிக்கும்
நாதச் சதங்கை கூடிய அழகும்
மெத்த நடக்கையில் மேனியிலாடும்
மணிகளிரண்டின் எதிரொலி யழகும்
கண்ணில் காண பரவசம் ஏறும்
கருத்தில் ஏற்றால் ஆனந்தம் ஊறும்
எண்ணில்லாத கோயில் கொண்டு
எங்கும் உறையும் ஏக தந்தனே
உன்னைக் கண்டு உரைத்தால் போதும்
உடனே வருவாய் என்பது தெரியும்
என்றும் உன்னை நினைவில் ஏற்றோம்
எங்கைளைக் காக்க எப்போதும் வருக
காக்க காக்க உன்னைங் கரமே
காக்க காக்க உன்னாயுதமே
காக்க காக்க உன் திருவடிகள்
காக்க காக்க உன் மூஸிகமே
சிரத்தை சிரத்தின் உட்பகுதியுனை
சித்த கணபதி சிறப்புடன் காக்க
சிரமேல் கேசம் அதன் பற்றையினை
தேசி விநாயகன் செவ்வி காக்க

கண்களிரண்டை கருணா மூர்த்தி
கரிமா முகனே காக்க காக்க
இமைகள் இரண்டை இடைவிடாது
லம்போதரனே காக்க காக்க
செவிகள் இரண்டை சாமரக் கர்ணண்
சீருடன் என்றும் காக்க காக்க
நெற்றிப் பகுதியை சிந்தூர வர்ணன்
நிறைவு குறையாது காக்க காக்க
நாசியை விகட சக்ர விநாயகன்
நன்றாய் நாளும் கக்க காக
பேசிடும் வாயினை பேதமில்லாமல்
பிளிரும் மோதகன் காக்க காக்க
கழுத்துப் பகுதை வாதபி கணபதி
கருத்துடன் கருதி காக்க காக்க
உழைக்கும் தோள்களை ஊர்த்துவ கணபதி
உறுதி குறையா வண்ணம் காக்க

வதனப் பகுதியை இதமாய் என்றும்
வாமன மூர்த்தி கணபதி காக்க
முதுகை முதுகுப் பகுதியை இசைவாய்
மூஸிக வாகனன் முனைந்து காக்க
கும்பிடக் குவியும் கைகள் இரண்டை
கோகர்ணராஜன் குறியாய் காக்க
அம்பிகை பிள்ளை ஆதி நாயகன்
அன்புடன் வயிற்றை காக்க காக்க
நாபிக் கமல் பகுதி தன்னை
நர்த்தன கண்பதி நயமுடன் காக்க
நால்வாய் நாயகன் வயிற்றுப் பகுதியை
நன்றாய் என்|றும் காக்க காக்க
தொடைகள் இரண்டை சுர கணநாதன்
சுகமுடன் விளங்க காக்க காக்க
தொடை கீழ்பகுதியை தொய்வு இல்லாமல்
சுந்தர கணபகுதி பெருமான் காக்க

கால்கள் இரண்டை கஜமுக நாதன்
கருத்துடன் கனிவாய் காக்க காக்க
கால்களின் கீழே பாத மிரண்டை
கந்தனின் சோதரன் காக்க காக்க
நகங்கள் தம்மை நலிவு படாமல்
நவசக்தி நாயகன் காக்க காக்க
அகத்தில் வாழும் உயிரை உயிரில்
அமர்ந்து உத்தண்ட கண்பதி காக்க
உடலை உச்சிட்ட கண்பதி காக்க
உதிரம் உச்சிப் பிள்ளையார் காக்க
படரும் நரம்பை பரவும் நாடியை
பார்வதி மைந்தன் காக்க காக்க
காலை மாலை வேளை தன்னில்
கற்பகக் களிறாம் பெருமான் காக்க
நடுநிசி சாமம் அந்தி விடியலில்
நாரணன் மருகன் துணையாய் காக்க
எல்லா நேரமும் தொல்லைகள் வராது
எக தந்தன் இழைவுடன் காக்க
பில்லி சூனியம் எதுவும் தொடாது
பிள்ளையார் அப்பன் பெரிதாய் காக்க

பகையும் சூதும் எதிரில் படாமல்
பானை வயிற்றோன் பக்கம் காக்க
நகமும் ஓடும் உருவமும் கொண்டு
நலிவுகள் எதுவும் வராது காக்க
பேய்களும் முனிகளும் பிசாசு எவையும்
பிரமராட்சதரும் கொடியவர் எவரும்
சேர்ந்தென்னை தொடரா வண்ணம்
என்றும் சிவனார் முதல் மகன் காக்க
நோய்கள் நொடிகள் வராத வண்ணம்
பூதண உருவ மேளன் காக்க
பிணிகள் எதுவும் பக்கம் வராமல்
பிரணவப் பொருளோன் புகழாய் காக்க
இன்றே வேண்டி து தி செய்கின்றோம்
எம்மை காப்பாய் சற்குரு நாதா
என்றும் உந்தன் நினைவை வைக்கும்
எளியேன் ஆசையை நிறைவேற்றிடுவாய்

குன்றில் குன்றாய் விரியும் குணமே
கோலாகலமே பக்தியின் மணமே
வென்றார் வெல்வார் அனைவரின் பின்னும்
வெற்றியின் விளைவாய் விரியும் வித்தே
காலன் அவனையும் நடுங்கிட செய்யும்
கால காலனே கணபதி நாதா
வேலனை வள்ளி விரும்பிட செய்த
செங்கதி உருவே விஜய கணபதி
காவிரி என்னும் மாநதி தன்னை
காசினி ஓடிட செய்த களிறே
பூவடி உயரம் கொண்டு உலகினை
முனைப்புடன் காக்கும் மோன நாதனே
பண்டாசுரனின் விக்ன சக்கரம்
பயனில்லாமல் செய்த பரமனே
அண்டாதெந்தத் துயரம் என்றே
அருளாய் நிற்கும் அன்பானந்தா
ஆற்றல் யாவும் தருவார் போற்றி
அறுகம் புல்லில் இருப்பாய் போற்றி
ஏற்றம் என்றும் தருவாய் போற்றி
இகபர சுகமென விரிவாய் போற்றி

பிரம்ம ரூபனே சரணம் சரணம்
பிரணவ வேழனே சரணம் சரணம்
பிரம்மச்சாரியே சரணம் சரணம்
பிராண நாதனே சரணம் சரணம்
கஜமுக நாதா கழலடி சரணம்
தேவ விநாயகா செவ்வடி சரணம்
மகா கணேச மலரடி சரணம்
ஜெயஜெய கணபதி ஜெயஜெய கணபதி
ஜெயஜெய கணபதி சரணம் சரணம்
சரணம் சரணம் கணபதி சிவ ஓம்
சரணம் சரணம் விநாயகா சரணம்